जिल्हा परिषद प्राथमिक सेमी शाळा माणकेश्वरमळा ( धांदरफळ खुर्द )
'' ही आवडते मज मनापासूनी शाळा , लाविते लळा जशी माउली बाळा '' श्रीक्षेत्र माणकेश्वर भगवान च्या पदस्पर्शाने पावन झालेल्या पुण्य भूमीत महाकाय वटवृक्षाच्या सानिध्यात २१ जून २०१० साली जि .प .प्राथ .शाळा माणकेश्वरमळा (धांदरफळ खुर्द ) नियमित नवीन शाळा सुरु झाली . शाळेचे नवीन इमारत बांधकाम चालू असल्याने सुरुवातीला शाळा वटवृक्षाखाली तर कधी मंदिरात भरायची .ऊन , वारा ,पाऊस यांचा समर्थपणे सामना करत आम्ही दोघा शिक्षकांनी ज्ञानदानाचे पवित्र कार्य चालू ठेवले. निरागस व प्रेमळ विद्यार्थी दररोज सकाळी गुलाबपुष्प देऊन Good Morning म्हणून आमचे स्वागत करायचे . दुपारच्या वेळेस वट वृक्षाखाली आमची पंगत बसायची . अभ्यास ,खेळ ,गाणी ,गप्पागोष्टीने शिक्षणात रंगत यायची व सायंकाळी शाळा सुटल्यानंतर आमचे पाय तेथेच घुटमळायचे मुले Bye Bye / Good Evening म्हणायचे मग आम्ही घरचा रस्ता पकडायचो .नवीन इमारतीत जून २०११ साली शाळा भरायला सुरवात झाली . लोकसंपर्क वाढवला लोकसहभागातून शाळेचे रूप पालटले शाळेची रंगरंगोटी , भिंतीवर चित्र ,सुविचार, मुलांना बसायला बाके ,संगणक संच ,मैदान सपाटीकरण श्रीक्षेत्र माणकेश्वर देवस्थानच्या विहिरीतून शाळेला पिण्यासाठी पाणी पुरवठा , शा.पो.आ साठी भांडी ,शेगडी , लाउडस्पीकरसंच ,ढोलताशा ,पुस्तके अशी मदत पालकांनी व ग्रामस्थांनी केली . आमचा हुरूप वाढला . '' सर्वांगीण गुणवत्ता '' हे ध्येय ठेवून नवनवीन उपक्रम शाळेत राबविले . वृक्षारोपन , बाजार ,लेझीम ,पथक ,वाढदिवसाला पुस्तक भेट , आदर्श परिपाठ ,सीडबँक ,सांस्कृतिक कार्यक्रम , स्पर्धा परीक्षा मार्गदर्शन ,शैक्षणिक सहल , मनोरंजक खेळ त्यामुळे अल्पावधीत शाळेचा नावलौकिक वाढला . यासाठी आम्हांला श्रीक्षेत्र माणकेश्वर देवस्थान ट्रस्ट , माणकेश्वर तरूण मंडळ शाळा व्यवस्थापन समिती पालक ग्रामस्थ सरपंच व ग्रा.पं. सदस्यव विविध संस्था पदाधिकारी व जि.प..प्राथ.शाळा धांदरफळ खुर्द शाळेतील शिक्षक शिक्षणविभागातील सर्व अधिकारी या सर्वांचे सहकार्य लाभले याबद्दल आम्ही सर्वांचे ऋणी आहोत . धन्यवाद
No comments:
Post a Comment